"Areg" publishեդ The Lttle Prince by Antoine de Saint Exupery on Armenian language. This is the annotation of the book on armenian:

ՙՓոքրիկ իշխանը՚ մեծ գրողը մտահղացել է դեռ 2-րդ համաշխարհային պատերազմի սկզբին: Այդ շրջանում նա հաճախ նույն նկարն էր նկարում` թևերով կամ առանց թևերի փոքրիկ երեխան ամպերի ետևից զարմացած նայում է Երկիր մոլորակին, նրա տներին, ոչխարներին… Այդ զարմանահրաշ երեխան ամենուրեք հանգիստ չէր տալիս գրող, օդաչու, մարտիկ, հոգևոր արժեքների քարոզիչ Անտուան դը Սենտ-Էքզյուպերիին:

Տարեց օդաչուն, փոքրիկ իշխանը, ծաղիկը, աղվեսն ու օձը գրողի ներքին ողբերգության գլխավոր հերոսներն են: Փոքրիկ իշխանի ճշմարտությունն այն է, որպեսզի սիրի իր ծաղկին, որպեսզի նրան կարողանա սիրել իր փոքրիկ աստղակերպի վրա: Իսկ նա վիճում է իր վարդի հետ և մեկնում ճանապարհորդության: Սակայն ոչ մի տեղ` ո՜չ փոքրիկ մոլորակների և ո՜չ էլ Երկրագնդի վրա նա չի հանդիպում մեկին, ում հետ կարող էր ընկերություն անել (բացառությամբ լապտերավառի, որը հավատարմության մարմնացում է):

ՙՓոքրիկ իշխանը՚ վիպակը մարդկանց ու կյանքի հանդեպ անսահման սիրո, պատասխանատվության զգացումի, հավատարմության, բարության ու բարեկամության հզոր լիցք ունի: Ահա թե ինչու այս գիրք-ՙհեքիաթը՚ պարտավոր է կարդալ յուրաքանչյուր մարդ` մեծ թե փոքր…